Fandikan-teny ataon' ny milina

Ny Fandikan-teny ataon' ny milina dia fandikana manontolo ny lahatsoratra (na lahateny, mivantana, na misy elanelana) amin' ny alalan'ny rindrankajy informatika izay na maro, tsy mila olona mpandika teny miasa. Lazaina koa fa fandikana ataon'ny milina ny fandikana atao miaraka amin'ny milina na traduction assistée par ordinateur, eo ny fandikana mety atao tanana na mety ampian'ny milina.

Ny fandikana ataon'ny milina dia mbola tsy masaka, ary ny famoahana fandikana tsara azo oharina amin'ny olona mpandika teny dia mbola tsy androany.

Na dia mbola tsy matanjaka na ratsiratsy aza ny toetran' ny lahatsoratra avoakan'ny milina mpandika teny, ilaina amin'ny taranja toy ny fisikidiana teknôlôjika izy, ary amin'ny alalan'ny fandikana ataon'ny milina, azo ambangovangony haingana ny lahatsoratra lava amin'ny fiteny tsy fantatra. Tamin'ny taona farany teo, misy fivoarana be mihitsy ny fandikana eo amin'ny tranonkala, ary maro ny sistema afaka mandika pejin-tranonkala mihalava anaty segondra vitsivitsy. Fanampiana tian'ny daholobe izy io satria ahazoana ny votoatin'ny pejy - na dia eo ho eo ihany aza -, ny lohahevitry ny pejin-tranonkala iray amin'ny fiteny tena vahiny aminy, ary ny fampahalalàna sy ny zavatra lazainy. Mba hanamora ny fikarohana eo amin'ny tranonkala, ny sehatra ikarohana eo an-tranonkala toy ny Google, ny Altavista na ny Yahoo! dia mikasa amin'ny mpikaroka handika ny pejy amin'ny fitenin'ny mpampiasa.